LIFELOVE01

醉駕大隻仔郭子豪爆偷食港姐 孖小三旅行

醉駕大隻仔郭子豪偷食港姐  孖小三旅行

 

「郭子豪  Karen」的圖片搜尋結果

 

正印小三安排去同一健身院


讀者爆料,醉駕又講大話嘅郭子豪,有個做藝術工作嘅圈外靚女友Karen,拍咗拖三年,連出事嗰架車嘅車牌「AKY」,都係佢同女友英文名縮寫結合而成,好識氹女友架!不過今年初佢同18年港姐亞軍兼最上鏡小姐鄧卓殷,一齊拍《娛樂玩家》之後暗撻著。讀者仲話,喺goji玩健身兼教人嘅郭子豪,安排小三鄧卓殷嚟佢地頭做gym,而佢正印Karen都係喺佢任教嘅地方健身喎!一班職員仲叫正印Karen做郭太。正印小三都安排喺同一間健身院,呢個橋段同安心偷食咁相似嘅。而goji裡面嘅人,好多都知道郭子豪同鄧卓殷嘅地下情關係,反而正印Karen就蒙在鼓裡。

 

「郭子豪  鄧卓殷」的圖片搜尋結果
趁正印不在港 孖小三旅行
郭子豪劈得腿,偷食梗係有技術啦!原來四月時,曾經有網友發現郭子人豪同一個矮佢成個頭嘅女仔,鬼祟出埠玩,兩個驚俾人認出,戴晒口罩。但眼利網民一眼就認出係佢,而女嘅高度同副銀絲眼鏡,同鄧卓殷好脗合,睇番正印IG,原來嗰段時間身在美國工作,似乎郭子豪係趁女友飛咗,即刻把握時間孖鄧卓殷出埠玩。上月,醉駕後嘅郭子豪俾第二間傳媒影到佢拖正印Karen出街,果然分身有術。可能劈腿心虛,之後郭子豪索性將過往post 喺ig,同正印Karen嘅sweet合照剷走。

 

「鄧卓殷」的圖片搜尋結果

新歡挨住睇樓築巢
郭子豪同鄧卓殷各自同屋企人住,為方便密會,又唔易俾正印女友發現,近日決定租個竇。本刊發現其中一日,佢兩個一齊返完教會,先去九龍城食甜品。因為背住正印偷食,呢段關係唔可以曝光,所以一齊出街,佢地都表現得好小心。不過小心還小心,偷食熱戀中,身體就變得好誠實,兩個唔係頭貼頭睇餐牌,又係黐實睇對方嘅手機。
兩個睇中啟德新樓做同居竇,一口氣睇咗幾個租盤,等緊經紀時,鄧卓殷永遠一副冧滋滋眼神望住郭子豪,又不時挨住對方。

「鄧卓殷」的圖片搜尋結果
上庭前漏夜搵正印
呢頭同新歡睇樓,轉過頭喺佢上庭前一晚,郭子豪拍完《娛樂玩家》,即揸車趕去大坑搵正印。郭子豪將車泊喺正印Karen屋企樓下,兩個就喺車度傾咗成個鐘,Karen先返上樓。不過劈腿嘅嘢,好難密不透風。同新歡越行越密之際,亦發現正印Karen喺安心事件爆出時,喺社交網有感而發寫咗段心聲:「我覺得兩個人喺埋一齊,最重要係價值觀一樣,光是對於出軌定義都可以好唔一樣……再解釋落去都好似浪費自己時間,何必再花心機同精神落去。」

 

 

郭子豪 有樣更有米

喺大台熱播嘅《跳躍生命線》中,套劇除了主演嘅馬德鐘外,其餘都是年輕小生,包括自演出《超時空男臣》後人氣急升的何廣沛,仲有張彥博、羅天宇同郭子豪,位位都是上位中的小鮮肉。其中郭子豪喺劇中飾演陸昊然一角,出身於醫生世家,其父在離世前要他當一年救護員,才可領取遺產!

起初獨來獨往,與眾學員關係疏離,後來與眾人關係好轉並成為朋友,仲同卓家傑(何廣沛)、呂劍雄(張彥博)成為好友!

《親親我好媽》籃球王子

如果有睇開無綫劇,或者就會留意到郭子豪亦有份參與前年熱播的《親親我好媽》。佢飾演的連國佳,都吸引到唔少女粉絲!劇中佢有「籃球王子」之稱,係何廣沛的死對頭,仲向年紀比自己大好多的訓導主任陳敏之示,同樣地角色性格都好突出!

富貴

富貴富貴

郭子豪完美男神Package

而在劇集《三個女人一個「因」》中,飾演唐米尼(Dominic)的郭子豪經常喺劇集入面騷肌,令各位女觀眾們睇到嘩嘩聲,話說郭子豪除咗靚仔大隻、畢業於世界知名學府外,原來仲係來自富貴家庭!

富貴

郭子豪於《三個女人一個「因」》中第九集出場。
富貴

郭子豪於《三個女人一個「因」》中飾演嘅唐米尼(Dominic)與黃智雯其中一個人格菠蘿椰奶發生一夜情,並於拉斯維加斯結婚,及後來港但生意失敗,被業主趕走之後投靠菠蘿椰奶,並暫住在其家中。

郭子豪愈睇愈有「肌」?!

初時出場的郭子豪明顯衣著比較密實,但之後愈睇愈有「肌」,去到第二次再次出場就已經半裸登場。嘩,結實的胸肌、粗壯的手臂,六舊腹肌兼遮啲唔遮啲的人魚線,睇到人眼定定,差啲連心臟都停埋!

富貴富貴

郭子豪在劇中攞正牌騷肌,作為劇迷嘅觀眾朋友們真係大飽眼福,完全係眼球嘅一大享受。

富貴

唐米尼(郭子豪飾)表示係方以因大律師(黃智雯飾)的老公。
富貴

郭子豪同袁偉豪兩個「肌男」你鍾意邊個?

名牌大學高材生

郭子豪14年加入娛樂圈,讀完藝人訓練班後,簽約成為無綫「親生仔」。原來佢亦係圈中高學歷一族,中小學就讀於名校喇沙,成績一直名列前茅,據知未放榜已經有數間英國學校向佢招手。之後郭子豪畢業於世界知名學府倫敦帝國學院 (Imperial College London),佢修讀的機械工程學科更是排全球第3,名副其實係高材生!

富貴富貴

A&F 首位亞洲代言人

郭子豪21歲回港在保時捷做實習生時,憑俊朗外表及健碩身型打低二百幾位對手,被美國時裝品牌A&F選為香港代表,為該品牌百多年來首次選用的華人面孔!郭子豪不旦擔任A&F的2013春夏廣告男模,亦是該品牌世界巡迴宣傳的模特兒之一,曾在不同城市如芝加哥、倫敦、紐約等地出席開幕儀式。

富貴

想當年A&F中環旗艦店開幕,一眾半裸猛男強勢列陣,全城女士為之瘋狂!女士們如果睇番當年啲相,可能會發現自己同郭子豪影過相?

富貴

郭子豪本來已經好大隻,最近更加密密加操,一身肌肉超誇張!

努力練肌肉練到攞冠軍你估易架咩!

住豪宅 揸靚車

靚仔、大隻仲係高材生,呢個package都仲未夠!因為郭子豪更來自一個富貴家庭!郭子豪父親開廠做製衣起家,現經營時裝貿易生意,身家不容小覷。父母住在大埔康樂園,而郭子豪就大個仔要有自己空間,以月租約三萬五租附近半山的獨立屋龍城堡,豪到爆!閒時唔使開工,郭子豪就揸佢部價值80萬的Audi座駕,去到家人住的康樂園會所做Gym。

富貴

大埔龍城堡

富貴

唔想「成功靠父幹」

雖然屋企咁富貴,不過郭子豪一直甚少提及家庭背景,保持低調。熱愛幕前幕後工作的郭子豪,讀書時期已經喜歡攞住DV四圍拍,曾專程報讀演藝學院的導演課程。之後佢開設製作公司,幫過馮允謙拍微電影,講到明唔想「成功靠父幹」!

富貴

富貴

你可能還喜歡
x
搜尋